افتح شبابيك الهوى جيتـك اليـوم
بحساس من زود الوله عده ايطيـر
جيتك مثل طفلن له ايـام محـروم
عن حضن امـه بعّدتـه المقــــاديـر
وجيتك مثل عودن له ايام مهمـوم
وده يلاقـي باخـر الوقـــت تقديـــر
وجيتك حضن عاشق وهايم ومغروم
وده يضمك لين تصبح علـى خيـــر
متى تحس ان الهوى شي مقسـوم
من قسمة الخالق على خلقه يصير
ومتى تحس اني لك اطيـح واقـوم
واتعب على شانك واقدرك وآغيـر
لي في هواك احلام وامال وعلـوم
واحزاب واصحاب وقصيد وجماهير
وهموم وافكار وهواجيس وحلـوم
وادروب واخطار وعذاب ومشاويـر
وحـب وغـلا واخـلاص ولــوم
واحساس والهام وشعور وتفاكيـــر
وصحبة سهر ومقاطعة لذة
ـــــــــــــــــــــــــــــــــــــــــــــــــــــــــ
التصنيفات : غير مصنف |
